ஐதராபாத்தைச் சேர்ந்த பி.வி. சிந்து, தாய்லாந்து வீராங்கனை பூசனனுடன் 17 ஆட்டங்களில் விளையாடி உள்ளார் இதில் 16 ஆட்டங்களில் வெற்றி பெற்றிருக்கிறார். சுவிட்சர்லாந்தில் நடைபெற்ற சர்வதேச பட்மிண்டன் போட்டியில், இந்தியாவின் நட்சத்திர வீராங்கனை பி.வி.சிந்து சம்பியன் பட்டம் வென்று அசத்தினார்.
மகளிர் ஒற்றையர் பிரிவில் நேற்று நடைபெற்ற இறுதிப் போட்டியில், தாய்லாந்தைச் சேர்ந்த பூசனனுடன் பலப்பரீட்சை நடத்திய சிந்து, 49 நிமிடங்களில் 21-16, 21-8 என்ற செட்கணக்கில் வெற்றி பெற்று சம்பியன் கோப்பையை கைப்பற்றினார். இந்த சீசனில் இரண்டாவது சம்பியன் பட்டத்தை வென்றிருக்கிறார் சிந்து. முன்னதாக, கடந்த ஜனவரி மாதம் லக்னோவில் நடந்த சையது மோடி சர்வதேச போட்டியில் சாம்பியன் பட்டம் வென்றார்.