சீனாவின் வெளியுறவுத்துறை அமைச்சர் வாங் யீ ஐரோப்பியப் பயணத்தின் முதல் கட்டமாகப் பிரான்ஸ் தலைநகர் பாரிஸ் சென்றார். அங்கு அவர் பிரான்ஸ் ஜனாதிபதி இம்மானுவெல் மக்ரோனைச் சந்திக்கவுள்ளார். இந்த வருட பிற்பகுதியில் இடம்பெறவுள்ள மக்ரோனின் சீனப் பயணம் குறித்து விவாதிப்பர் என எதிர்பார்க்கப்படுகிறது.
சீனாவின் மூத்த வெளியுறவுக் கொள்கை ஆலோசகர் பொறுப்பை ஏற்றபிறகு வாங் யீ மேற்கொள்ளும் முதல் வெளிநாட்டுப் பயணம் இதுவாகும். எட்டு நாள்கள் நீடிக்கும் பயணத்தின்போது அவர், இத்தாலி, ஹங்கேரி, ரஷியா ஆகியவற்றுக்கும் செல்கிறார்.
ரஷியாவுடனான நெருங்கிய உறவைக் கொண்டுள்ளது சீனா. ஐரோப்பாவிலும் பெய்ஜிங்கின் நற்பெயரை வலுப்படுத்துவது அவரது பயணத்தின் முக்கிய நோக்கமாகக் கருதப்படுகிறது.
இந்நிலையில்,முனீச் நகரில் நடைபெற்ற பாதுகாப்பு தொடர்பான கருத்தரங்கில் அமெரிக்க வெளியுறவுஅமைச்சர் அன்டனி பிளிங்கன் கலந்து கொண்டார். அப்போது அவர் சீன வெளியுறவு அமைச்சரை சந்தித்துப் பேசினார். உளவு பலூன் பறந்த விவகாரம் சர்ச்சையாக உள்ள நிலையில் இருஅமைச்சர்களும் சந்தித்துள்ளமை பரபரப்பை ஏற்படுத்தியது.